طيران الجزيرة متعه الطيران

بصراحة اود ان ابعث رسالة شكر إلى طيرن الجزيرة الذي جعل للطيران متعه لاتضاهى

طبعا الكل مستغرب ويقول ليش مع انه الجزيرة لاتقدم اي خدمات وتصنف من ضمن الطيران الإقتصادي

اقوول له اي نعم طيران اقتصادي بحيث ما ينهب جيوب الناس وتقدر تسافر بأي وقت تبيه من غير ما تحاتي

الميزانية او تحسب وتكسر حسبتك بالأول الناس ما تسافر الا في غطلة الصيف او عطلة الربيع اما الحين

فتقدر تسافر باي وقت حتى انك من الممكن اذا كان عندك اجتماع مثلا في دبي تروح الصبح وترجع بالليل

يعني تفصل رحلتك على اللي تبيه بعدين في ميزه غير متوفرة في الكويتية الا وهي الإلتزااااام حيث لا يوجد

هنالك اي تأخير في الرحلات

وجمبعها تصل بالوقت المحدد اضف الى ذلك الحجز المؤكد بحث انك لاتضطر لتأكيد حجزك او الغاءه والحجز

على طيران الجزيرة سلس وسهل عن طريق الإنترنت او عن طريق التلفون أو من المكاتب الطيران او الكتب

الخاص بهم في المطار بصراحة لا احبذ الحجز عن طريق المطار حيث انه العيب الوحيد الموجود في طيران الجزيرة

الا وهو انه المكت صغير ولا يفي بالغرض من حيث كثرة الناس التي تحجز عن طريق المطار ولكن هذا لا يعيبه بحيث

مافي شي كامل .

أما الطيران الكويتية فهي قصة أخرى حيث سمه عدم الإلتزام هي وسام يضعونه على صدورهم ويتباهون به امام الملأ

اما عن الأسعار فحدث ولا حرج وممكن ان تكون حجزت لرحلة على متن الخطوط الجوية الكويتية وبدون مقدمات

يكون حجزك قد الغي من غير ابداء الاسباب اضف الى ذالك اضف الى ذلك المشاكل التي تحصل دائما مثل المشاكل في

الطيارات والتأخير الذي قد يتعدى الخمس ساعات ونبي نحجز يقولون لنا الطيران فل وبعدين لما تحصل لك حجز وتركب

الطيارة تلقى نص الطيارة فاضيه ما ادري ليش يمكن

معانا ينانوه او جن قاعدين على الكراسي بس ما تشوفهم او الكراسي خربانه غريبه بصراحة في كل الأوقات الطيران فل صيف شتا

ربيع

الظاهر ما يبونا نسافر معاهم نغثهم يجوز يبون يريحون فعلا انا ملاحظ هالشي بحيث انه طيران الكويتية عافت الكويتيين واتجهت للهنود

واكبر دليل انها افتتحت اكثر من خط للهند ما شاء الله عليهم يبون يخدمون الامه الهندية ردا للجميل حتى انك لو كنت بأمريكا وتبي تحجز على الكويتية تدفع سعر التذكرة العادي لكن لما تكون هندي يسوون لك خصم 50% او اكثر يعني بنفس الفلوس اللي تحجز فيها على الدرجة السياحية المواطن الهندي يحجز فيها على الدرجة الأولى مو اييه الكويتي عنده كنوز امخليها على قلبة اما الهندي فقير مسكين يستاهل تسوون له خصم والله ما قلت هالكلام الا من شي يحز بالخاطر ياناس اوعو فتحوا اعيونكم شوفو تاريخ الطيران الكويتية وين كانت ووين صارة كانت مثال يحتذى بها اما الحين فصارة مثال سيئ يحذر منه .. إييه نسيت اقول لكم بعد لما تكون عندكم سفرة مثلا حضور مؤتمر او اجماع من قبل الوزارة فلازم يصرفون لك تذاكر حكومية تقفون اذا واحد منكم يت له سفرة من الدوام يتذكر كلامي تروحون مكتب الكويتية اللي في الديرة طبعا الكل منفس وتاخذ لك رقم بالأميات مع انه الموجودين لا يتعدون عدد اصابع اليد والموظفين هانك متمللين ما الومهم حيث روتين العمل ممل ..انت بس تقعد على الكرسي نتطر دورك تسمع المشاكل مافي واحد وما عنده مشكلة والادهى والأمر اذا كانت سفرتك في يوم مافيه سفرة على الكويتية فيضطرون يحولونك على طيران ثاني وتعال دش بالمعمعه طبعا مافي هناك الا شخص واحد يوقع على المعامله واذا كان غير موجود فعليك بالعوض ماني عارف سبب هالمركزية ليش .

المهم اذا تبون تريحون بالكم مالكم الا الجزيرة واذا انت تحاتي الوجبة ترى في وجبات لاتخافون كلها بنص دينار او اكثر شوي يعني بحبحها شوي انت حاجز التذكرة ب50 دينار مثلا وسعرها على الكويتية مثلا 150 دينار فما يمنع انك تدفع دينار للوجبة طبعا كراسيهم جدا مريحة بالمقارنة مع الكويتية وسفرة سعيده