مسلخ السالمية

ادري الكل يتساءل شالسالفة اكيد في إن او شي صاير لكن اقول لكم تطمنو ا ماكوا الا العافية مجرد ان المكان ياز لي وحبيت اتكلم

عنه

طبعا اول شي رحنا صفاة الغنم وشرينا هالخرفان

ولما وصلنا المسلخ تبين انه عندهم خرفان مهجنه واسترالي بس كان طلبنا خروف عربي يعني تعبنا وروحتنا ماضاعت علينا

اول ما توصل من خارج المسلخ هنالك مجرى حديدي نفس طابور المقصف اللي في المدارس طبعا مع الفرق انه اللي يصفون بالمدارس طلاب لكن هني الخرفان المهم تنزل الخروف اول المجرى وهو يكمل دربة لانه ماراح يرجع لك قري بصراحة خوش خطة


وبعدين تبدى انت تدخل من الباب الآخر وتشوف هالعمال جاهزين ويشغلون الماكينه لعمل مساج للخرفان قبل الذبح دلع ما بعده دلع
عمركم شفتوا بلد من البلدان يسوون مساج للحيوانات قبل الذبح ولا ديرة الا عندنا خل يعرفون منظمة الرأفه بالحيوان اننا حنونين على خرفاننا ونأخذكم بأكف الراحة حتى بموتتهم مرتاحين
عاد هني يبدى يسمى علييه ويذبحة بكل نعومة

وبعدين يخلونهم لحد ما تطلع روحهم بسلام

للناس ذوي القلوب الضعيفة لاننصح بمشاهده هذة الصوره لما قد تسبب من ضغط الدم وإرتفاع الشرايين ولوعه الكبد والغثيان والهذيان وكل مرض يحوش الإنسان الزبده لاتشوفونها

هنا منظر من جانب آخر


وبعد ذلم يبدأ بسلخ الخروف بكل دقه ونظافة


وهذه الصورة تبين لكم أثناء عملية السلخ والتقطيع تجري على مواسير أي ان الخروف لا يلامس الأرض فلا مجال لتعرضة للأوساخ او اي ميكروبات بعكس مسلخ الشوخ واثناء عملية السلخ يتم غسل الأرضية اولا بأول لكن لا يتجمد الدم على الأرض ويعد ذلك يتم تقطيع الخروف على مزاجك سواءا قطع كبيرة او صغيرة وتوضع بأكياس وداخل كرتون ويتم توصيلها إلى سيارتك بصراحه فعلا استمتعت

فالمكان كان جدا نظيف والأدوات متطورة والعمال على مستوى عالي من الخبرة فكان كل الوقت الذي استغرقوه لذبح الخروفين لايتعدى ال 15 دقيقه

انصحكم انكم تجربونه بأنفسكم