Do you have An Ass ما عندكشي مكوه؟؟

ما علييه يا جماعة لاتواخذوني بهل الافتتاحية والموضوع لكن من كثر ما يقابلني قلت إلا اكتب عنه

هالموضوع بصراحة يسببلنا الكثير من الحرج طبعا في مصر كل ما تروح المصبغه وتقوله ابي تكويلي الملابس يرد علييك ويقول لك مكوه بس يا بييه يا معود فكنا كل مره وأعلم فيهم يا جماعة الخير ترى هالكلمة

عندنا عيب على الأقل مع الإخوه الخليجيين لاتقولون هالكلمة لكن لا حياة لمن تنادي

أذكر مرة أثناء زيارتنا لمصر سكنا في شقة بالزمالك المهم طق باب الشقة ولا ينقز اخوي الصغير ويقول

انا بفتح الباب المهم فتح الباب ما ادري شنو قال له ولا يرقع الباب بويهه ورد وقعد يمنا وويهه قلب لونه احمر

قال له ابوي اشفييك ولا يقول ماكوا شي اشفيك يا ولد الحلال ولا يقول المصري اللي بره يقول

كلام وصخ قلنا له شنو قال رد وقال كلام وصخ ما اقدر اقووله طبعا احنا تحت الإصرار تكلم ولا يقول ما عندكم مكوه طبعا احنا من قالها متنا من الضحك وفهمناه أنهم هني يسمون الأوتي مكوه

وهذا كل اللي عندي